AZ
RU
Rusiyada 1 000-ə yaxın insan koronavirusa yoluxdu-Bir gündə
Rusiyada koronavirusa yoluxma və ölüm halları artıb.
Yenixeber.org: “RİA Novosti” xəbər verir ki, bunu ölkənin Operativ Qərargahı açıqlayıb.
Məlumata görə, son sutka 954 nəfərdə koronavirus infeksiyası aşkarlanıb. Yeni yoluxmalar Rusiyanın 49 bölgəsində qeydə alınıb. Beləliklə, ölkədə yoluxanları 6 343 nəfərə çatıb.
Bildirilir ki, virus qurbanlarının sayı da 2 nəfər artaraq 47-yə yüksəlib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 208 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 1 274 000-i ötüb. Bunların 264 838 nəfəri sağalıb, 69 480 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
