AZ
RU
Karantin bitdikdən sonra may ayında 190 manat pul veriləcək? – Nazirlikdən AÇIQLAMA
Xəbər verdiyimiz kimi Azərbaycan Respublikasının Baş naziri Əli Əsədovun qərarı ilə karantin müddəti 20 aprel tarixindən 4 may tarixinədək uzadıldı. Bəs bu zaman işsizlərə görə nəzərdə tutulan 190 manat birdəfəlik müavinət may ayında veriləcəkmi?
Yenixeber.org: Məsələ ilə bağlı Əmək və Əhalinin Sosial Müdafiəsi Nazirliyinin mətbuat katibi Fazil Talıblı ilə əlaqə saxladıq. O, açıqlamasında sözügedən 190 manat müavinətin may ayında da veriləcəyini bildirdi:
"Birinci ayın ödənişi aprelin sonu mayın əvvəlində yekunlaşacaq. May ayının ödənişi isə Cənab Prezidentin tapşırıqlarına uyğun olaraq, bank hesabı açılmaqla vətəndaşlara təqdim ediləcək".
