AZ
RU
Həsən Ruhani koronavirusdan danışdı-"...dəvət olunmamış qonaq kimi gəlib".
İran Prezidenti Həsən Ruhani ölkəsində 15 nəfərin həyatına son qoyan koronavirus infeksiyasından danışıb.
Yenixeber.org: Hökumət başçısı ölkəsinin epidemiyanın öhdəsindən gələcəyini bildirib.
“Koronavirus “B” qripindən təhlükəli deyil. Biz onun öhdəsindən gəldik, koronavirusun da öhdəsindən gələcəyik. Koronavirus dəvət olunmamış qonaq kimi gəlib və bütün ölkələrə yayılıb”, - o qeyd edib.
H.Ruhani virusun yayılmasından sui-istifadə edənlərdən də bəhs edib: “Heç kəs bu olayı pis niyyətlə istifadə etməməlidir. Xalqın həb, sabun, dezinfeksiyaedici maddələr və ya maskalara ehtiyacı olduğuna görə bundan sui-istifadə etməməliyik. Xalqın çətin günlər üçün saxladığı pula göz dikilməməlidir”.
.jpg)
