Millət vəkili Qənirə Paşayeva CNN Türk telekanalı ilə bağlı yaranmış son qalmaqala münasibət bildirib.

"Xeberinfo.com":  Məlumata görə, o, bu barədə Facebook-da yazıb. Deputatın fikrincə, CNN Türk kanalı efirində Azərbaycanın dövlət başçısı haqqında mənfi fikirlər səsləndirilməsinə münasibət bildirməli və buna görə üzr istəməlidir: “Bu, son 1 ay ərzində CNN Türkdə Azərbaycan haqqında ikinci xoşagəlməz hadisədir və təssüf ki, mətbuat və mediya ilə surətlə yayılan bu məlumatlar Azərbaycan-Türkiyə qardaşlığına mənfi təsir göstərir və CNN Türk rəhbərliyi bunu nəzərə almalı və addımlar atmalıdır. CNN Türk bundan əvvəl məlum vertolyot hadisəsi ilə bağlı yol verdiyi səhvi təkzib etsiyi kimi bu məsələ ilə də bağlı da açıqlama və təkzib verməli, Azərbaycanın dövlət başçısından üzr istəməlidir.
Hər kəs özünün fikirini söyləməkdə azaddır amma onlar etik çərçivədə olmalıdır, təhqir və həqarət şəklində olmamalıdır. Prezidentimiz haqqında səslənən bu cür ifadələrə etirazımızı bildirir və CNN Türkdən bu yanlışı düzəltməsini gözləyirik”.