AZ
RU
.jpg)
Türkiyədə yeni irimiqyaslı FETÖ əməliyyatı-Daha 100 hərbçinin həbsinə qərar verildi
Ankara Cümhuriyyət Baş Prokurorluğunun FETÖ (Fətullahçı Terror Təşkilatı) və “Paralel Dövlət Quruluşu” ilə bağlı apardığı istintaq-dindirmə prosesi çərçivəsində Türkiyə quru qoşunlarında terrorçularla əlaqəsi olduğu aşkarlanan daha 100 hərbçinin və Ticarət Nazirliyinin bir əməkdaşının həbsi barədə qərar çıxarılıb.
Yenixeber.org: Yerli KİV-lər bildirir ki, həbsinə göstəriş verilən hərbçilərdən 67-si xidməti fəaliyyətdə olanlardır və onların sırasında mayor, kapitan, baş leytenant və leytenantlar da var.
Eyni zamanda, Adana Cümhuriyyət Baş Prokurorluğunun apardığı istintaq nəticəsində 12 əyalətdə FETÖ ilə əlaqəsinin olduğu aşkar edilən 18 hərbçinin həbsinə dair qərar verilib.
Hazırda şübhəlilərin saxlanılaraq həbs edilməsi məqsədilə Ankara və Adana polis İdarələrinin terrorla və mütəşəkkil cinayətkarlıqla mübarizə şöbələrinin əməkdaşları tərəfindən birgə axtarış əməliyyatları davam etdirilir.(virtualaz)
