Redaktor seçimi
BSU-nun rektoru Anar Nağıyevə "İTTİHAM YAĞIŞI":
Həmkarlar İttifaqında qərar verən əsas güc- NİGAR VAHABZADƏ KİMDİR?-
GENERAL MEHDİYEV - GÖMRÜKDƏN BİZNESƏ... - DGK-nın keçmiş şefi necə “uğurlu biznesmen” oldu? +
Fuad Muradovun "adamı" Azərbaycanı "diktatura rejimi" adlandırdı -
Bakını "Qəzza zolağına çevirən" kimlərdir(?)!: “Şamaxılı Cavid”ə "DUR" deyin...-
Əmlak Məsələləri Dövlət Xidməti “Qobu əməliyyatı”na hazırlaşır:
“Əcəmi”də “can bazarı”:
Heydər Əliyevin posterini sökdürən Vüqar Sədiyev bu qədər sərvəti hansı məmurun hesabına əldə edib? -
Günün xəbəri

Avropa Şurasında Əli İnsanovun şikayətinə baxılacaq –Məsələ Nazirlər Komitəsinin gündəliyinə salınıb

Martın 12-dək Avropa Şurasının Nazirlər Komitəsi Azərbaycanın keçmiş səhiyyə naziri Əli İnsanovun şikayətinə baxacaq. Məsələ Nazirlər Komitəsinin gündəliyinə salınıb.

Yenixeber.org: Bu barədə REAL Partiyasının sədri İlqar Məmmədov facebook səhifəsində yazıb. Belə ki, Əli İnsanov 2018-ci il dekabrın 14-də Nazirlər Komitəsinə məktub yazıb. “Mən cinayət törətməmişəm. Artıq 14-cü ildir həbsdəyəm. Hakimiyyət məni özünə müxalifət hesab edir və bu səbəbdən Avropa İnsan Hüquqları Məhkəməsinin 14 mart 2013-cü il tarixli qərarını yerinə yetirmir,”-deyə İnsanov məktubunda bildirir.

Öz növbəsində, Azərbaycan hakimiyyəti bu il fevralın 8-də Avropa Şurasının Nazirlər Komitəsinə cavab məktubu ünvanlayaraq, Əli İnsanovun haqlı və qanuni olaraq cəzalandırdırıldığını bildirir. “Şəxsi mövqeyim ondan ibarətdir ki, Əli İnsanov dərhal azadlığa buraxılmalıdır. İşin qətiyyən qeyri-məqbul olan tərəfi – ona verilmiş 11 illik cəza qurtarandan sonra cəzanın 7 il artırılmasıdır. Əvvəllər cinayət törədibsə də, törətməyibsə də, o artıq azadlıqda olmalıdır, dərhal. Nazirlər Komitəsi məsələni gündəliyinə salıbsa, demək ya qərar, ya da qətnamə qəbul etmək niyyətindədir. Bu sənəd haqqında Azərbaycan hakimiyyətinin şübhəsiz ki, xəbəri var. Əgər o, sənədi ciddiyə alırsa, onun qəbul edilməsinin qarşısını almaqdan ötrü Əli İnsanovu iclasa qədər azadlığa buraxa da bilər, ya da ən qısa vaxtda buraxılması haqqında Nazirlər Komitəsilə anlaşa bilər,”  -deyə Məmmədov qeyd edir.

Əli İnsanov 2005-ci il oktyabrın 19-da dövlət çevrilişinə cəhd ittihamı ilə həbs olunub. Amma sonradan cinayət işi vəzifə cinayətlərinə dair ittihamlarla məhkəməyə gedib və ona 11 il həbs cəzası kəsilib.

Həbs müddətinin bitməsinə iki ay qalmış – 2016-cı ilin avqustunda ona yeni cinayət işi açılıb. Keçmiş nazirə Cinayət Məcəlləsinin 234.1-ci (narkotik və ya psixotrop maddələr əldə etmə, saxlama), 315-ci (hakimiyyət nümayəndəsinə zor tətbiq etmə) və 317-2.1-ci (cəzaçəkmə müəssisələrində qadağan olunmuş əşyaların hazırlanması, saxlanılması) maddələri ilə ittiham irəli sürülüb. Kamerada psixotrop tərkibli dərman saxlamaqda, Penitensiar Xidmətin əməkdaşını vurub ona kəllə-beyin travması yetirməkdə suçlanan 70 yaşlı sabiq nazir 2017-ci il aprelin 26-da 7 il 5 gün azadlıqdan məhrum edilib. İyunun 22-də Bakı Apellyasiya Məhkəməsi hökmü qüvvədə saxlayıb. 2018-ci il yanvarın 16-da isə Ali Məhkəmədə bu məsələyə baxılıb və qərar qüvvədə saxlanılıb.(strateq)


Facebook-da paylaş

Yeni xəbərlər

Reklam

Reklam