AZ
RU
.jpg)
Avropa ölkələri Quaydonu prezident kimi tanımağa başladı
Avropa dövlətləri Venesuelanın qanuni rəhbəri kimi Xuan Quaydonu tanımağa başlayıb.
Yenixeber.org: Bu gün səhərdən etibarən Britaniya, Fransa, Almaniya, İspaniya, Portuqaliya, Hollandiya, Avstriya, İsveç, Danimarka, Polşa, Çexiya, Litva və Latviya X.Quaydonu Venesuelanın müvəqqəti prezidenti qismində (seçkilərə qədər) tanıdıqlarını elan ediblər.
Fransa prezidenti Emmanuel Makron qərarını “Tvitter”dən açıqlayıb: “Venesuelalıların öz iradələrini azad və demokratik şəkildə ifadə etmək haqqı var. Fransa seçkilərə qədər Quaydonu müvəqqəti prezident kimi tanıyır”.
Avropa Birliyinin təşkilat olaraq qərar qəbul etməsini İtaliya bloklayıb. Roma baş verənləri Venesuelanın daxili işlərinə müdaxilə sayır.
Qeyd edək ki, ötən həftə Avropa Birliyi ölkələri Venesuela prezidenti Nikolas Maduroya yeni seçkilərə gedilməsi üçün 8 günlük vaxt vermişdi. Maduro isə ultimatumu rədd etmiş və prezident seçkilərinin önə çəkilməyəcəyini açıqlamışdı.
