AZ
RU
Azərbaycanlı milyarderlə “Boz kardinal”ın mübahisəsi
“Rosneft”lə Varandey terminalı vasitəsilə neft ötürülməsi tarifləri barədə mübahisəni məhkəmədə mübahisələndirməyə hazırıq.
Yenixeber.org: Bunu RBC agentliyinə açıqlamasında “Lukoyl” rəhbəri Vahid Ələkbərov deyib. Onun sözlərinə görə, hazırda tərəflər arasında olan mübahisəyə Federal Antiinhisar Xidməti baxır. O, qələbə qazanana qədər bu işdən əl çəkməyəcəyini bildirib.
Qeyd edək ki, “Rosneft” və “Lukoyl” arasında Arktikadakı Varandey terminalı ilə neft ötürülməsi tarifləri mübahisəsi 2017-ci ilin əvvəllərində başlayıb. Belə ki, hazırkı tarif 38 dollar təşkil edir. “Rosneft” bunun 12 dollara endirilməsini tələb edir və “Lukoyl”u monopoliyada ittiham edir.
“Rosneft” şirkətinə İqor Seçin rəhbərlik edir. Seçin Rusiyada Putinə yaxın oliqarxlardan biri sayılır və media onu hətta “boz kardinal” adlandırır.(axar)
