AZ
RU
ABŞ Ankaraya “Patriot” təklif etdi
ABŞ Türkiyəyə “Patriot” hava hücumundan müdafiə sistemlərinin satışı ilə bağlı təklif verib.
Yenixeber.org: ABŞ-dan gələn nümayəndə heyəti Ankarada Müdafiə Sənayesi İdarəsi, XİN və Müdafiə Nazirliyindəki həmkarları ilə danışıqlar aparır.
Danışıqlar zamanı ABŞ hökumətinin “Patriot”ların satışı ilə bağlı təklifi Türkiyə tərəfinə bildirilib. Türkiyə tərəfinin sistemin qiyməti və texnologiyasının paylaşılmasına dair gözləntiləri ABŞ rəsmilərinin nəzərinə çatdırılıb.
Xatırladaq ki, ABŞ Dövlət Departamenti 3.5 milyard dollar dəyərində “Patriot” sistemlərinin Türkiyəyə satışına 19 dekabr tarixində icazə vermişdi. Rəsmi Ankara “Patriot” sistemlərinin satışı üçün Moskva ilə bağlanmış S-400 müqaviləsinin ləğv edilməsinin ilkin şərt kimi irəli sürülməsinə etiraz etmişdi.
