AZ
RU
Təhsildə mənəvi-əxlaqi dəyərlər
"Çox vaxt məktəb direktorları yalnız tədrisdən söhbət aparırlar. Ancaq tərbiyə məsələsinə diqqət etmirlər. Biz onlardan məktəbdə nə qədər zəif oxuyan, çətin tərbiyə olunan, eyni zamanda zərərli vərdişlərə meylli olan uşaqların sayını soruşduqda direktorlar bu suallara cavab verə bilmir".
"Xeberinfo.com": APA-nın məlumatına görə, bunu təhsil nazirinin müavini Firudin Qurbanov "Təhsildə mənəvi-əxlaqi dəyərlər: harmonik şəxsiyyətin formalaşması" mövzusunda keçirilən beynəlxalq konfransda çıxışı zamanı deyib.
F. Qurbanov bildirib ki, məktəb direktorları bütün bunların hamısına xüsusi diqqət yetirməlidir: "Çünki bu gün nəinki bilikli, eləcə də mənəvi cəhətdən saf və tərbiyəli vətəndaş yetişdirməliyik. Eyni zamanda sağlamlığı zəif olan uşaqlara diqqət edilməlidir. Bu baxımdan ölkəmizin qarşısında mühüm vəzifələr durur. Uşaqlar təhsildə formalaşırlar. Çünki günlərinin çox hissəsini təhsil müəssisələrində keçirirlər. Buna görə də onların tərbiyəsi ilə ciddi məşğul olmaq lazımdır".
