AZ
RU
Rusiyada dəhşətli qəza:8 həmvətənimiz yaralandı
Rusiyanın Stavropol bölgəsində 3 avtomobilin toqquşması nəticəsində 13 nəfər xəsarət alıb.
Yenixeber.org Bu barədə TASS informasiya yayıb.
“Cümə günü səhər saatlarında “Qafqaz” federal magistralının hava limanına dönən hissəsində Moskva-Bakı marşrutu ilə hərəkət edən “Mersedes” markalı mikroavtobus, “Ford” minik avtomobili və VAZ-2110 toqquşub”, - agentlik məlumatında deyilib.
Yaralılar dərhal xəstəxanaya çatdırılıb. Pyatiqorsk xəstəxanasının qəbul şöbəsindən verilən məlumata görə, yaralananlardan 8 nəfəri Azərbaycan vətəndaşıdır.
Yaralılardan birinin – ayaqlarında sınıqlar və qapalı kəllə-beyin travması alan qadının vəziyyəti ağır qiymətləndirilir. 8 nəfərin vəziyyətinin orta, daha 6 nəfərin, o cümlədən 3 uşağın isə yüngül xəsarətlər aldığı bildirilir.
