Qiymətləndirmə bazarında qeyri-peşəkarlıq ayaq açıb yeriyir, bu sahədə təsadüfi adamlar çoxalıb

Yenixeber.org:  Bu fikirləri Azərbaycan Qiymətləndiricilər Cəmiyyətinin (AQC) bu gün keçirilən illik hesabat konfransında qurumun İdarə Heyətinin üzvü Ramil Osmanlı bəyan edib. R.Osmanlı bildirib ki, son illər problemli kreditlər səbəbindən məhkəmə orqanlarında vətəndaşların mənzillərinin qiymətləndirilməsi ilə bağlı müraciətlər artıb:

“Bu da çoxlu sayda qiymətləndirmə şirkətinin yaranmasına səbəb olub. Bazarda qeyri-peşəkarların sayının artması tənzimlənmə mexanizminin tətbiqini zəruri edir”.

Konfransda 1998-ci ildə qəbul edilən “Qiymətləndirmə fəaliyyəti haqqında” Azərbaycan Respublikası Qanununa əlavə və dəyişikliklərin edilməsi zərurətinin də yarandığı, 2013-cü ildə yeni qanun layihəsinin Nazirlər Kabinetnə və Milli Məclisə təqdim edilməsinə baxmayaraq, bu günə qədər real addım atılmadığı da vurğulanıb.

Konfransda AQC-nin tərkibində Ekspert Şurasının yaradılması da təklif edilib. Vətəndaşların qiymətləndirmə ilə bağlı üzləşdikləri problemlər şurada müzakirəyə çıxarılacaq, obyektiv rəylər təqdim etməyən qurumlar inzaibati qaydada məsuliyyətə cəlb ediləcək.