AZ
RU
Tikintidə daha bir ölüm faktı
Bu dəfə Ceyranbatan qəsəbəsi 1 saylı orta məktəbdə
“Xeberinfo.com”: Redaksiyamıza tikintidə daha bir ölüm faktı ilə bağlı məlumat daxil olub. Məlumata görə hadisə dünən (15. 09. 2014) günün birinci yarısında Abşeron rayonunun Ceyranbatan qəsəbəsində 1 saylı orta məktəbdə baş verib. Məlumata görə 1 aydır ki, sözügedən məktəbdə əsaslı təmirə başlanılıb. Elə hadisə də məktəbin dam örtüyünün dəyişməsi zamanı baş verib. Üçüncü mərtəbədə işləyən usta yıxılaraq, elə yerindəcə vəfat edib. (Hələ ki, nə vəfat edənin kimliyini, nə də təmir işini həyata keçirən təşkilatın adını tam dəqiqləşdirə bilməmişik.)
Hadisəni Abşeron Rayon Polis Şöbəsindən də təsdiq etdilər. Onu da öyrəndik ki, hadisə hal-hazırda Abşeron Rayon Prokurorluğunda araşdırılır. Prokurorluqdan bu haqda məlumat almaq cəhdlərimiz nəticəsiz qaldı.
Yavər
(5).jpeg)
