AZ
RU
.jpg)
Azərbaycan cəbhə bölgəsinə qüvvə yığır
"Xeberinfo.com": Bu barədə məlumatlı mənbələr israrla məlumat verirlər ki, Azərbaycan fasiləsiz olaraq ermənilərlə təmas nöqtələrinə ağır texnika, əlavə qüvvə və canlı heyət yığır. Bu məlumat ordudakı qaynaqlar vasitəsi ilə də təsdiqlənir. Görünən budur ki, Azərbaycan yaranmış durumu özü üçün əlverişli məqam hesab edir. Redaksiyamıza yaxın olan siyasi ekspertlər də hesab edirlər ki, doğrudan da ermənilərin axmaqlıqları ucundan yaranmış indiki vəziyyət Azərbaycanın xeyrinədir və ölkəmiz ermənilərə qarşı təmizləmə əməliyyatlarına başlasa, düşmənin vəziyyəti kritikləşəcək. Ordudakı qaynaqlarından biri musavat.com rəhbərliyinə deyib ki, hazırda Ağdamın işğaldakı kəndlərini azad etmək cəmisi 2-3 saatın işidir: “Bütün qüvvə toplanıb, nazir baxış keçirib. Əmr gözləyirik”.
Maraqlı məlumatlardan biri də budur ki, yaranmış vəziyyətdən narahat olan Ermənistan rəhbərliyi Rusiya prezidenti Putinə müraciət edərək, Azərbaycanı hərbi əməliyyatlardan yayındırmaq xahişində bulunublar. Məsələnin təəccüblü tərəfi də budur ki, deyir qaynaq, Putin Ermənistan prezidentinə onun ürəyini rahatladacaq heç nə söyləməyib.
Lakin bizə yaxın ekspertlər hesab edirlər ki, Azərbaycan böyük ehtimalla Soçi görüşünə qədər ciddi hərbi əməliyyata başlamayacaq. Bu da o deməkdir ki, artıq Rusiya prosesdə orbitr kimi rolunu ala bilib.
Lakin bu, ekspertlərin fikirləridir. Cəbhədən gələn hazırlıq xəbərləri isə göstərir ki, Azərbaycan iqtidarı olduqca ciddi şəkildə müharibəyə hazırlaşır.
Məsələnin maraqlı tərəfi isə budur ki, 21 ildir daim gərginlik və atəş altında olan sərhəd kəndlərindəki əhali də daxil olmaqla, bütün ölkə xalqı hazırda savaş ideyasını dəstəkləyir, hətta tələb edir. Bu sıraya Azərbaycan müxalifətini də yazmaq olar.
