"Xeberinfo.com": Hərbi Prokurorluqdan tanınmış jurnalist, hərbi ekspert Üzeyir Cəfərova cavab gəlib. O, bildirib ki, Müdafiə Nazirliyi ilə bağlı göndərdiyi ərizə artıq qəbul olunub. Üzeyir Cəfərov məsələnin həll olunmasını tələb edir: “Artıq bununla bağlı mənə Hərbi Prokurorluqdan məlumat veriblər. Araşdırmanın gedişatında mən general-leytenat Çingiz Məmmədov, general-mayor Məmməd Beydullayev və hətta polkovnik Rauf Kişiyevlə də bağlı məsələyə diqqət edilməsini tələb edəcəyəm. Çünki bu adamlar uzun illər əllərində problemlərlə bağlı konkret fakt ola-ola heç bir ciddi iş görməyiblər. İndi gözləyirəm ki, nə vaxt prokurorluqdan məsələlərə aydınlıq gətirilməsi üçün məni dəvət edəcəklər. Hərbi Prokurorluq mənə cavab verən kimi bunun məhkəmə müstəvisində araşdırılmasını tələb edəcəyəm. Faktlar çoxdur. Necə olur ki, Hərbi Dəniz Qüvvələrində olan çatışmazlıqlarla bağlı Rauf Kişiyev və Məmməd Beydullayev heç bir iş görməyib? Çingiz Məmmədov Müdafiə Nazirliyinin Təlim-Tədris Mərkəzində iki qiymət alan yüzlərlə müdavimə sertifikat verilməsinə icazə verib? Mən indiyə qədər mətbuatda bəzi məsələləri ictimaiyyətin diqqətinə çatıdırırdım. Ancaq indi hüquqi müstəvidə bunu tələb edəcəyəm. Bu sənədlər uzun müddətdir Hərbi Prokurorluqda saxlanılır. Hətta indi rəhbərlik bunu araşdırmasa belə, nə vaxtsa biri bunu yenidən gündəmə gətirəcək. Həm o vaxt, həm də indi tədbir görməyən şəxslərlə bağlı addımlar atılacaq”.