AZ
RU
Rauf Mirqədirov jurnalistləri təbrik etdi
"Xeberinfo.com": Həbs edilən jurnalist Rauf Mirqədirovun vəkili Elmar Süleymanov Hafta.az-a açıqlamasında bildirib ki, bu gün onunla görüşüb: “Elə indi Rauf Mirqədirovla görüşdən gəlirəm. Yaxşıdır. Hələ ki, yeni bir şey yoxdur. Sadəcə, mütəmadi olaraq görüşüb, danışırıq”.
Vəkil deyib ki, Mirqədirov həmkarlarını təbrik edib: “Rauf bundan öncə də mətbuat işçilərinə dəstəyə görə öz təşəkkürünü bildirib. O, jurnalistləri peşə bayramı münasibətilə də təbrik etdi”.
E.Süleymanov Apelyasiya Məhkəməsinə şikayət etdiklərini deyib: “Həbs müddətinin 4 ay uzadılması ilə bağlı qərardan apelyasiya şikayəti verdik. Ola bilsin bu həftə şikayətimizə baxılsın”.
Vəkil Avropa Məhkəməsinə müraciət edəcəklərini açıqlayıb: “Görüşdə də müdafiə ilə bağlı müzakirələr apardıq. Biz həftədə bir neçə dəfə onun yanına gedirik. Ailəsinin görüşünə icazə verilmir. Apelyasiya Məhkəməsinin bu qərarından Avropa Məhkəməsinə şikayət hazırlayırıq”.
Qeyd edək ki, “Zerkalo” qəzetinin əməkdaşı Rauf Mirqədirov ermənilərə dövlət sirri ötürməkdə günahlandırılaraq, dövlətə xəyanət ittihamı ilə həbs edilib.
.jpg)
