AZ
RU
Rusiya Ermənistan ordusuna təlim keçməyə start verdi
Rusiya hərbiçiləri bu ölkədə olan hərbi bazalarında Ermənistan ordusuna çağrılmış gənc əsgərlərə təlim keçməyə başlayıb.
"Xeberinfo.com" Ermənistan mətbuatına istinadən xəbər verir ki, təlimlərə “Bahar 2014” adı ilə başlayıb. Hazırda erməni gənclər rusiyalı hərbiçilərin nəzarəti altında hündürlüyü 1600 metrdən yuxarda olan dağlarda hərbi maşınları çətin şəaritdə sürməyi öyrənirlər.
Rusiyalı hərbiçilər həmçinin hərbi maşınlara hücum olacağı halda maşınları necə idarə etməyin yollarını da erməni əsgərlərinə öyrədirlər.
Qeyd edək ki, Rusiyanın işğalçı Ermənistan əsgərlərini təlim keçməsi ilk dəfə deyil. Siyasi şərhçilər Rusiyanın bu tipli addımlarla Azərbaycana təzyiq etmək istədiyini vurğulayırlar.
