Azərbaycanın Dostları Assosiyasiyasının baş katibi və Paris Azərbaycan Evinin rəhbəri Mirvari Fətəliyeva Fransanın Aljanoubia kanalında “Qafqazın Mirvarisi” adlandırılan verilişin qonağı olub. Verilişdə Mirvari Fətəliyeva özü haqqında- Qubadlı rayonundan məcburi köçkünluk həyatından bəhs edib.

Yenixeber.org: Həmçinin M.Fətəliyeva Dağlıq Qarabağ məsələsi, Xocalı soyqırımı, münaqişənin həlli ilə məşğul olan ATƏT-in Minsk qrupunun fəaliyyəti və BMT-nin Təhlükəsizlik Şurasının 4 qətnaməsinin icra olunmaması, 1 milyona yaxın qaçqın və məcburi köçkünün hüquqlarının tapdalanması, erməni icmasının niyə o ərazidə çoxluq təşkil etməsinin səbəbləri, bütün dünyanın Azərbaycanın ərazi bütövlüyünü tanıması haqqında Fransa ictimaiyyətinə geniş və ətraflı məlumat verib. Xüsusilə, son illər iki ölkə arasında əlaqələrin inkişafından da bəhs edib.

Baş katib demokratik dövlətin ilk dəfə Şərqdə-1918-ci ildə Azərbaycanda qurulduğunu və məhz Şərqdə qadınlara ilk dəfə seçki hüququnu verən dövlətin Azərbaycan olduğunu qeyd edərək, 2018-ci ildə ADR-in yaranmasının 100 illiyinə geniş hazırlıqların görüldüyünü bildirib. 
M.Fətəliyeva daha sonra ölkədə təşkil olunan beynəlxalq iri miqyaslı tədbirlərdən (Avrovision, Formula-1, Humanitar Forum, Avropa Oyunları və.s), Heydər Əliyev Fondunun Fransada həyata keçirtdiyi böyük və uğurlu layihələrdən, həmçinin Azərbaycanda turizmin inkişafından, mədəniyyətindən, mətbəxindən, ölkədə multikulturalizm və dini tolerantlıqdan bəhs edib.