AZ
RU
“İsmayıllı işi”ndə saxta sənəd üzə çıxdı
“Azərbaycan Respublikası Baş Prokurorluğunun Ağır cinayətlərə dair istintaq idarəsinin Kriminalistika şöbəsinin prokuroru, istintaq qrupunun üzvü ədliyyə müşaviri Bayramov Elmar Aydın oğlu 2013-cü ilin yanvar ayında baş vermiş İsmayıllı hadisələrinə görə bir neçə şəxsi dindirərkən, ciddi saxtakarlıq edib”.
"Xeberinfo.com": Bu barədə musavat.com-a danışan Müsavat başqanının “İsmayıllı işi”nə görə həbs olan müavini Tofiq Yaqublunun vəkili Nemət Kərimli bildirib ki, saxtakarlıqlar zərərçəkmiş şəxslər üçün tərtib olunan protokollarda öz əksini tapıb: “Deməli, ədliyyə müşavir Elmar Bayramov Şamaxı rayon prokurorluğunun binasında 24 iyun 2013 tarixində saat 10:45-də Əzizov Fərəc Yusif oğlunu şahid qismində dindirməyə başlayıb. Dindirmə 24 iyun 2013 tarixində saat 12:55-də yekunlaşıb. Saxtakarlığı təsdiq edən mötəbər sübut ondan ibarətdir ki, ədliyyə müşaviri Elmar Bayramov digər zərərçəkmiş Əhmədov Rəşad Şakir oğlunu 24 iyun 2013 tarixində İsmayıllı rayon prokurorluğunun inzibati binasında xidməti iş otağında dindirib. Dindirilmə saat 13:00-da başlayıb, saat 14:20-də yekunlaşıb. Yəni 5 dəqiqə ərzində Elmar Bayramovun Şamaxıdan İsmayıllıya zərərçəkmişi dindirmək üçün gəlməsi qeyri-mümkündür”.
Onu da qeyd edək ki, bu günə qədər təqsirləndirilən şəxslərin, onların vəkillərinin məhkəmə prosesi zamanı saxtakarlıqları sübut edən sənədlər aşkarlasalar belə, məhkəmə qeyd-şərtsiz rədd cavabı verib.
Aşağıda göstərilən şəkillər isə saxtakarlığı təsdiq edən sənədlərdir.
.jpg)
