AZ
RU
80 milyon subsidiya verilib, amma ...buğda idxalımız rekord həddədir
Azərbaycan hökuməti ötən il buğda və çəltik istehsalına görə 80 mln. manat subsidiya verib.
Xeberinfo.com: Bunu kənd təsərrüfatı naziri Heydər Əsədov deyib.
Xəbər verdiyimiz kimi, 2016-cı ildə buğda idxalı il ərzində 18,2% artaraq rekord həddə – 1,6 mln. tona çatıb. Bu barədə Dövlət Statistika Komitəsindən bildirilib.
Buğda alınması üçün ixracatçılara 296,8 mln.dollar ödənilib. Bu, əvvəlki ildəkindən 0,6% çoxdur. Bir ton buğda 184,4 dollara alınıb. Bu, 2015-ci ildəkindən 34,9 dollar və ya 16% ucuzdur.
Kənd Təsərrüfatı Nazirliyinin məlumatına görə, ötən il Azərbaycanda buğda istehsalı 1 mln. 844 min ton olub. Bu, 2015-ci ildəkindən 10% çoxdur. Müstəqil ekspertlərin fikrincə, taxıl istehsalının həcmi süni şəkildə şişirdilir. Onların fikrincə, çörəkbişirmədə yerli buğdanın payı cüzidir.
.jpg)
