AZ
RU
Qəbiristanlıqdan sinə daşı oğurlanıb, meyitin üstü açıq qalıb -Bakıda
Bakıda “Yasamal qəbirstanlığı” kimi tanınan ərazidən qranitdən olan sinə daşı oğurlanıb.
Xeberinfo.com: “Report”un xəbərinə görə, hadisə Yasamal rayonu, Şərifzadə küçəsi 1 ünvanında qeydə alınıb.
Hadisə barədə Yasamal Rayon Polis İdarəsinə (RPİ) müraciət edən 1993-cü il təvəllüdlü Namiq Əliyev məlumat verib. Hadisənin qeydə alındığı “Yasamal qəbirstanlığı” kimi tanınan əraziyə Yasamal RPİ-nin əməkdaşları baxış keçirib. Müəyyən olunub ki, N.Əliyevin mərhum qohumunun qəbirinin qırmızı qranitdən olan sinə daşı oğurlanıb. Nəticədə meyitin üstü açıq qalıb.
Bununla bağlı Yasamal RPİ-də Cinayət Məcəlləsinin 245-ci (Qəbir üzərində təhqiredici hərəkət) maddəsi ilə cinayət işi başlanılıb.
