Azərbaycan Respublikasının Prezidenti Yanında Gənclər Fondunun maliyyə, Fövqəladə Hallar Nazirliyinin Akademiyası, Nərimanov Rayon Gənclər və İdman İdarəsinin  və Azərbaycan Turizm İnstitutu Məzunları İctimai Birliyinin birgə təşkilatı dəstəyi ilə Azərbaycan Turizm və Menecment Universitetində   “Mən fövqəladə hadisələrə qarşı mübarizəyə hazıram”  adlı  layihə həyata keçirilmişdir.  
       

Xeberinfo.com:   Layihədə  Fövqəladə Hallar Nazirliyinin Akademiyasının əməkdaşları kapitan Əliyar Orucov,  baş leytenat Oruc Əkbərov,  d/x  baş leytenatı Azad Əliyev,   leytenat Rəsul  Rzayev və Akademiyanın bir neçə kursantı iştirak edib

    Tədbiri layihə rəhbəri Ağamir Ağamirov giriş sözü ilə açaraq layihə haqqında məlumat verib və bildirib ki,  fövqəladə hadisələrin qarşısının alınması istiqamətində görülən qabaqlayıcı tədbirlər  yüzlərlə minlərlə insanların həyatını mümkün təhlükədən qoruyar.  Daha  sonra layihənin həyata keçirilməsində dəstəyi olan Azərbaycan Respublikasının Prezidenti yanında Gənclər Fondunun  və Fövqəladə Hallar Nazirliyinin Akademiyasının rəhbərliyinə  və digər qurumlara öz minnətdarlığını bildirib.

     Sonra  Fövqəladə Hallar Nazirliyinin Akademiyasının əməkdaşı baş leytenat Oruc Əkbərov çıxış edərək  tələbələri “Fövqəladə hallar zamanı əhalinin psixoloji hazırlığı” mövzusunda maarifləndirib.

    Daha sonra Fövqəladə Hallar Nazirliyinin Akademiyasının digər əməkdaşı d/x  baş leytenatı Azad Əliyev  çıxış edərək “Yanğın təhlükəsizliyi” mövzusunda tələbələri maarifləndirib.  

     Çıxış edən Akademiyanın digər mütəxəssisi   leytenat Rəsul  Rzayev  “İctimaiyyətdə baş verə biləcək fövqəladə hadisələrə qarşı qabaqlayıcı tədbirlər” mövzusunda tələbələrə təlim keçib.

Qeyd edək ki,  layihənin məqsədi  insanlardan asılı  olan fövqəladə hadisələrin baş verməməsi üçün önləyici qabaqlayıcı tədbirlər mövsuzsunda tələbələr arasında maarifləndirmə tədbirlərinin aparılması, tələbələri fövqəladə hadisələrə səbəb olacaq davranışlara yol  verməkdən çəkindirmək, onları təbii və  texnogen fövqəladə hallar zamanı nə etməli?,  Yanğın-partlayış və nəqliyyat qəzası zamanı nə etməli? İlkin tibbi yardımı necə göstərməli?  hadisə anında necə düzgün davranmaqları haqqında maarifləndirməkdir.