Xeberinfo.com:  Xarici KİV-ə istinadla xəbərə görə Türkiyə silahlı qüvvələri Baş qərargah rəisi, general Hülusi Akar və ABŞ silahlı qüvvələri qərargah rəisləri Komitəsinin sədri, general Cozef Danford Türkiyə hərbi-hava qüvvələrinin İncirlik bazasında görüş keçirib. Bu barədə xəbəri Türkiyə silahlı qüvvələri Baş qərargahı yayıb.

Danışıqlar dekabrın 5-də baş tutub. Hərbçilərin məlumatına görə, Danford «katoliklərin «Rojdestvo» bayramını bazada hərbi xidmət keçən ABŞ hərbçiləri ilə birlikdə keçirmək üçün İncirliyə gəlib». Generalların danışıqlarının təfərrüatı barədə məlumat verilmir.

Danford sonuncu dəfə Türkiyədə noyabrın 6-da səfərdə olub. O, Suriya şəhəri Rakkanın «İslam dövləti» qruplaşmasından azad olunması məsələsini Ankara ilə müzakirə edib. Elə o zaman təmasların nəticələrinə əsasən tərəflər Rakkanın birgə azad edilməsi, əldə saxlanması və situasiyanın gələcək inkişafının idarə olunması məsələlərini razılaşdırıblar.

«Suriya demokratik gücləri» silahlı birləşmələri ABŞ hərbi-hava qüvvələrinin dəstəyi ilə noyabrın 6-da Suriyada ekstemistlərin başlıca qalası sayılan Rakka şəhərinin azad olunması əməliyyatına başlayıb. Əməliyyata «Ərəfatın qəzəbi» adı verilib.