AZ
RU
Ət idxalı 70% artıb
Azərbaycana yeyinti məhsullarının idxalı illik müqayisədə 23,07% artaraq 2016-cı ilin yanvar-avqust ayları ərzində 820 milyon 647,83 min ABŞ dolları təşkil edib.
Xeberinfo.com: Dövlət Gömrük Komitəsinin statistikasına görə, ət idxalı 70,12% artaraq 20 milyon 375,73 min dollar, kərə yağı və süddən hazırlanmış digər yağlar 2 dəfədən çox artaraq 33 milyon 358,86 min dollar, meyvə-tərəvəz 2 dəfədən çox artaraq 85 milyon 650,40 min dollar, çay 2,9 dəfə artaraq 26 milyon 687,85 min dollar, süd idxalı 34,85% artaraq 5 milyon 193,17 min dollara çatıb. Bu müddətdə buğda idxalı isə 17,24% azalaraq 178 milyon 980,97 min dollar olub.
Cari ilin ilk 8 ayı ərzində Azərbaycanın cəmi idxalının 14,81%-i məhz yeyinti məhsullarının payına düşüb. Qeyd edək ki, ötən ilin müvafiq dövründə cəmi idxalda yeyinti məhsullarının payı 11,13% təşkil edib.
