Bakıda səfərdə olan Rusiyanın müdafiə naziri Sergey Şoyqu bu gün Azərbaycanın müdafiə naziri, general-polkovnik Zakir Həsənovla görüşəcək.

Xeberinfo.com:   “RİA Novosti”yə istinadən xəbərə görə, görüşdə iki ölkə arasında hərbi və hərbi-texniki əməkdaşlıq, eləcə də Xəzər regionunun təhlükəsizliyi məsələləri müzakirə olunacaq.

“Hesab edirəm ki, regionda və Yaxın Şərqdə təhlükəsizliklə bağlıl vəziyyəti müzakirə etmək imkanımız olacaq. Bundan əlavə, hərbi və hərbi-texniki əməkdaşlıq proqramında bəzi məsələlər düzəlişlər tələb edir. Bu məsələlər üzrə çıxış yolu tapacağımıza əminəm”, – deyə S.Şoyqu bildirib.
Onun sözlərinə görə, tərəflər eyni zamanda təhlükəsizlik üzrə birgə işlər baxımından Xəzər dənizində əməkdaşlıq məsələlərini müzakirə edəcək. “Ümid edirəm ki, ötən il hazırladığımız plan və proqramlar tam şəkiləd həyata keçiriləcək”, – deyə rusiyalı nazir vurğulayıb.
Xatırladaq ki, Azərbaycan Prezidenti İlham Əliyev avqustun 14-də Rusiyanın müdafiə naziri Sergey Şoyqunu qəbul edib.