AZ
RU
“Azərenerji” və “Azərişıq”da gərginlik
Maaş böhranı yaşanan qurumlarda xidməti avtomobillər alınması pulsuz qalan işçilərin narazılığına səbəb olub
Xeberinfo.com: “Azərenerji” ASC və “Azərişıq” ASC-də ciddi narazılıq yaranıb. Bu barədə redaksiyamıza daxil olan məlumata görə, narazılığa səbəb hər iki qurumda yaranmış maaş böhranı ilə bağlıdır. Bildirilir ki, uzun müddətdir “Azərenerji”nin işçiləri maaş ala bilmirlər. Lakin ASC-nin rəhbərliyi problemi həll etməkdənsə, qurumun yüksək vəzifəli şəxsləri üçün 20 ədəd “NAZLifan” markalı xidməti avtomobil alıb. Bunun eşidən işçilər narazılıq etməyə başlayıblar. Məlumatda deyilir ki, avtomobillər heç istifadəyə də verilməyib və hazırda qarajda saxlanılır.
“Azərişıq”ın rəhbərliyi isə 470 ədəd avtomobil alıb. Pikap tipli avtomobillərin bölgələr üzrə idarələrə veriləcəyi bildirilir. “Azərişıq”ın işçiləri hesab edir ki, avtomobil almaqdansa, onların maaşlarının verilməlidir. Məlumatda bildirilir ki, hazırda hər iki qurumda gərginlik yaşanır.(Azadliq.info)
.jpg)
