“İŞİD-in Azərbaycanı hədələməsi bizim üçün yeni məsələ deyil. Terrorçular bundan öncə şeyxi də hədəfə almışdılar”.

Xeberinfo.com:   Bunu azvision.az-a ləğv edilən Milli Təhlükəsizlik Nazirliyinin sabiq əməkdaşı İlham İsmayıl İŞİD-in Azərbaycanı hədələməsi ilə bağlı məlumatlara münasbət bildirərkən deyib.

Keçmiş MTN-çi hesab edir ki, Azərbaycana qarşı hədələr İŞİD rəhbərliyi tərəfindən deyil, terror təşkilatında təmsil olunan azərbaycanlılar tərəfindən təşkil olunur. 

“Heç kim ciddi işə başlayanda, hərəkət edəndə gəlib demir ki, səni öldürəcəyəm. Səslənən fikirlər konkret olaraq hədədir. Amma bu hədəni boş buraxmaq lazım deyil. İŞİD zaman-zaman hədələdiyi ölkələrdə ABŞ, Fransa, Belçikada terror hadisələri törədə bilib. Bu gün Azərbaycan İŞİD-in hədəfində deyil. Buna baxmayaraq əhalini qorxuya saxlamaq üçün belə addımlar atırlar. Bəlkə də bu yolla İŞİD-dəki azərbaycanlılar ölkəyə qayıtmaq istəyirlər”.

Qeyd edək ki, Türkiyənin “Milliyət” qəzetində Azərbaycanın İŞİD terror qruplaşmasının hədəfində olması ilə bağlı yazı dərc olunub.

İddiaya əsasən Türkiyə Baş Polis İdarəsinin əyalət müdirliklərinə göndərdiyi xəbərdarlıqda göstərilir ki, canlı bomba qismində Azərbaycanda terror planlaşdıran azərbaycanlı və qafqazlı İŞİD-çilərin hədəfində polislər və ailə fərdləri olacaq.