AZ
RU
“Aznar”da satış böhranı
“Grante” nar şirələrinin istehsalçısı Teymur Əhmədov adına “Aznar” QSC son 3 ilin ən pis satış göstəricisinə nail olub.
Xeberinfo.com: QSC-nin maliyyə hesabatlarına əsasən, ötən il şirkətin satışdan gəlirləri 1,22 milyon manat təşkil edib. 2014-cü ildə “Aznar”ın satışları 1,70 milyon manat, 2013-cü ildə isə 1,58 milyon manat olmuşdu.
Ötən il 1,22 milyon manat satış gəlirinə qarşı QSC-nin satış xərcləri 935,8 min manat təşkil edib. Digər inzibati, kommersiya xərcləri və mənfəət vergisi çıxıldıqdan sonra 5644 manat xalis mənfəət qalıb.
2013-cü ildə 1,44 milyon manat zərər etmiş QSC, 2014-cü ildə təxminən 26 min manat xalis mənfəət əldə etmişdi.
Ötən il “Aznar” QSC-nin kredit borcu 24,62 milyon manat artaraq 43,1 milyon manata qalxıb.
Ötən il “Aznar” QSC-nin cəmi aktivləri artaraq 35,97 milyon manatdan 40,27 milyon manata yüksəlib.(Azadliq.info)
.jpg)
