AZ
RU
SEVİL ƏLİYEVA OĞLUNUN VİTSE-PREZİDENT TƏYİN OLUNMASINDAN DANIŞDI
Ağır Atletika Federasiyasında (AAAF) yeni təyinat olub.
Xeberinfo.com: Azvision.az xəbər verir ki, Ağır Atletika Federasiyasının (AAAF) vitse-prezidenti postuna Azər Əliyev gətirilib.
Qeyd edək ki, Azər Əliyev Heydər Əliyevin qızı Sevil xanım Əliyevanın oğludur.
Ağır Atletika Federasiyasının prezidenti AZAL-ın rəhbəri Cahangir Əsgərovdur.
Sevil Əliyeva oğlu Azər Əliyevin Azərbaycan Ağır atletika Federasiyasının vitse-prezidenti təyin edilməsi ilə bağlı açıqlama verib. S.Əliyeva virtualaz.org-a danışaraq xəbəri təsdiqləyib.
“Azər Əliyev Azərbaycana kömək qərarı verib. O, Böyük Britaniyada gözəl təhsil alıb və magistrdir. Bundan əlavə, həmişə peşəkar səviyyədə idmanla və ağır atletika ilə məşğul olub. Azər Əliyev həmişə Azərbaycan yığma komandasının tərkibində müxtəlif yarışlarda iştirak edib. Onun çoxlu medalı var”, – Sevil Əliyeva deyib.
Sevil Əliyeva həmçinin bildirib ki. 30 yaşlı Azər Əliyev babasının – ümummilli lider Heydər Əliyevin evində yaşayır.
.jpg)
