AZ
RU
.jpg)
0,5 tona qədər narkotik aşkarlanıb
Dövlət Sərhəd Xidməti tərəfindən mart ayında qaçaqmalçılıq fəaliyyətinə qarşı mübarizə sahəsində əldə edilən nəticələr açıqlanıb.
Xeberinfo.com: Dövlət Sərhəd Xidmətinin mətbuat mərkəzindən APA-ya verilən məlumata görə, qaçaqmalçılıq fəaliyyətinə qarşı mübarizə çərçivəsində həyata keçirilmiş tədbirlər nəticəsində 93 halda ümumi dəyəri təqribən 20 milyon 121 min manat olan qaçaqmal, o cümlədən 1 ədəd tapança, 1 ədəd pnevmatik tapança, 1 ədəd tüfəng, 1 ədəd 9 mm-lik patron, 3 ədəd 12 mm-lik patron, 1 ədəd elektroşok cihazı, 1 ədəd beşbarmaq, 48 min 916 dollar, 25 min 626 qutu siqaret, 1900 qram zinət əşyası, 13 ədəd mobil telefon, müxtəlif növ dərman preparatları, spirtli içki, sənaye və kənd təsərrüfatı malları saxlanılıb.
Ötən ay narkotik vasitələrin qeyri-qanuni dövriyyəsinə qarşı mübarizə tədbirləri nəticəsində isə 7 halda 478 kiloqram 380 qram narkotik maddənin dövlət sərhədindən keçirilməsinin qarşısı alınıb.
.jpg)
