Azərbaycan prezidenti İlham Əliyev Vaşinqtonda “Nüvə təhlükəsizliyini gücləndirmək üçün beynəlxalq və institusional fəaliyyətlər” adlı işçi naharda iştirak edib.

Xeberinfo.com:   Nahar IV Nüvə Təhlükəsizliyi Sammitinin açılış mərasimindən sonra baş tutub.

Zirvə görüşünün “Nüvə təhlükəsizliyini gücləndirmək üçün milli fəaliyyətlər” mövzusunda açılış sessiyasında ABŞ prezidenti Barak Obama çıxış edib. Ardınca Niderland Krallığının baş naziri Mark Rütteyə söz verilib.

Sonra dövlət və hökumət başçıları birgə foto çəkdiriblər.

*   *   *19:12

Vaşinqtonda IV Nüvə Təhlükəsizliyi Sammitinin plenar sessiyası öz işinə başlayıb.

İclasda iştirakçılar nüvə təhlükəsizliyinin gücləndirilməsi üçün milli tədbirləri, eləcə də bu mövzuda beynəlxalq fəaliyyəti müzakirə edəcəklər.

IV Nüvə Təhlükəsizliyi Sammiti ABŞ prezidenti Barak Obamanın mətbuat konfransı ilə sona çatacaq.

Qeyd edək ki, Azərbaycan Prezidenti İlham Əliyev beynəlxalq tədbirdə iştirak edir.

Xatırladaq ki, daha öncə Nüvə Təhlükəsizliyi Sammiti Vaşinqton (2010), Seul (2012) və Haaqada (2014) keçirilib.