Bakıda masaj adı altında intim xidmət göstərən kifayət qədər istirahət mərkəzi var.

Xeberinfo.com:   ANS-in məlumatına görə, bu cür obyektlər paytaxtın bir çox ərazisində gözə dəyir və əfsuslar olsun ki, sayı günbəgün artır. Maraqlısı odur ki, bu obyektlərin böyük əskəriyyəti yaşayış binalarının həndəvərindədir. Bundan başqa dalan və kənar küçələrdə də belə xidmət təklif edən bənzər məkanlar var.
Məsələn, belə obyektlərdən biri Lev Tolstoy küçəsindədir. Binanın zirzəmisində fəaliyyət göstərən və sağlamlıq mərkəzi adı altında priton kimi istifadə olunan obyektin qarşısından keçmək kifayətdir ki, içəridə nə kimi xidmətlərin təklif olunduğunu biləsən. Digər bir məqam isə içəridə asayişi ucaboylu, cüssəli oğlanların təmin etməsidir. İçəriyə bir addım atan an menyu kimi xidmətlər cəvdəli təklif edilir.
Təkcə bu küçədə bir-birinə yaxın 3 masaj salonu fəaliyyət göstərir ki, onların da xidmət istiqaməti eynidir. Paytaxtın mərkəzindəki masaj salonları isə VİP xidmətlərlə öz müştərisini gözləyir.
Başqa bir “xidmət sahəsi” isə Dərnəgül qəsəbəsi, Əcəmi Naxçıvani küçəsindədir. Üzlərindən yorğunluq tökülən qadınlar xidmət edəcəyi şəxsə onunla bir saat keçirəcəyi otağı da nümayiş etdirir.