Burada hər xidmətin öz qiyməti var

“Xeberinfo.com”: Masaj salonları ilə bağlı ictimai rəy məlumdur-əxlaqsızlıq, insan alveri və daha nələr. İctimai rəyin yumşaq desək birmənalı olmaması da səbəbsiz deyil. Təəssüf ki, masaj salonları cəmiyyətdə daha çox məlum ehtiyacın təmin olunduğu əxlaqsız məkanı (Məhz məkan, yuva yox.) kimi tanınır. Bu mövzu ictimai aktuallığı səbəbindən medianında daim diqqətindədir. Az qala hər gün bir belə məkan mediada ictimailəşir. Paytaxtın müxtəlif küçələrində belə məkanların “vizitka”larının paylanması da məlum. Yenə də təəssüf, ... nədənsə aidiyyatı dövlət orqanları bu problemin üzərinə getməkdə maraqlı görünmürlər. Məhz bu və digər səbəblərdəndir ki, media çalışsada bu bəla hələ də çəkisini qorumaqdadır.

Bu istiqamətdə “xeberinfo.com”a daha bir məlumat daxil olub. Məlumatda paytaxtın Hüseynbala Əliyev k. 55/69 ünvanında (Memar Əcəmi metrosunun yaxınlığında.) masaj salonu kimi tanınan “Jasmin”in fəaliyyətindən bəhs olunur. Məlumata görə adı masaj salonu olsa da, “Jasmin”də fərqli xidmətlər də təklif olunur... Və demək olar ki, bu xidmətlər “Jasmin”in fəaliyyətinin əsasını təşkil edir. Həm də elə forma və səviyyə də ki, bu məkanın daimi müştəri çevrəsinin günbəgün genişləndiyi də deyilir. Qiymətlər isə 30-50 manat arasında dəyişir. (Bəzən bir az yüksək də ola bilər.)

Əməkdaşımız bu məlumatlarla bağlı müəyyən araşdırmalara çalşıb. Lazımı müşahidələr aparıb, gərəkən şəxslərlə həmsöhbət olub. Bəzi detallarda yanlışlıq olar deyə, hələlik bu araşdırmadan geniş yaza bilmirik.

“Jasmin”in sahibi kimi tanınan Nazlı xanımı da dinləmək istədik. Təəssüf ki, alınmadı.

Abas