AZ
RU
“Günəşli"də quyu istismara verilib
Təmirdən sonra istifadəyə verilmiş quyudan sutkalıq 70 ton neft və 25 min kubmetr qaz hasil olunacaq.
Xeberinfo.com: Məlumata görə, “Günəşli” yatağındakı 15 nömrəli dərin dəniz özülündə 272 nömrəli quyu əsaslı təmirdən sonra istismara verilib.
SOCAR-ın rəsmi saytında bildirildiyinə görə, quyu məhsuldar qat çöküntülərinin Balaxanı Lay Dəstəsinin IX horizontundan fontan üsulu ilə məhsul verib, 2960-2924 metr intervaldan sutkalıq 70 ton neft və 25 min kubmetr qaz hasilatı ilə istismar fonduna qəbul edilib.
Sözügedən quyuda istismar işləri “Azneft” İstehsalat Birliyinin “28 May” Neft və Qazçıxarma İdarəsi tərəfindən həyata keçirilir.
