Redaksiyamıza CTS-AQRO MMC rəhbərliyinin fermerlərə qaşı qanunsuzluq etdiyinə dair şikayət daxil olub.

Xeberinfo.com:  Şikayətdə göstərilir ki, MMC fermerlərlə bağladığı müqavilələrin nüsxələrini qanunun tələblərini pozaraq, onlara vermir.

Bildirilir ki, MMC-nin rəhbəri həbs olunsa da, fermerlərə qarşı haqsızlıq aradan qalxmayıb. 2015-ci təsərrüfat ilində MMC rəhbərliyi müqavilələrin şərtlərini pozub, lakin sənədlərin nüsxələri fermerlərə verilmədiyindən onlar məhkəməyə müraciət edə bilməyiblər.

MMC fermerlərə yetərincə vəsait vermədiyi üçün onlar pambıq sahələrini becərib başa çatdıra bilməyiblər. Buna görə şirkət fermerlərə kompensasiya ödəməli olduğu bunu etməyib. Şikayət məktubunda iddia olunur ki, MMC-nin hüquqşünası haqlarını tələb edən fermerləri məhkəmələrlə hədələyir. Eyni zamanda zavod və məntəqə işçilərinə təzyiq edib ərizələrini alır, onları təzminat və son hesablaşma aparmadan işdən çıxarır.(Azadlıq)

Şikayətlə əlaqədar MMC-nin rəsmi mövqeyini də işıqlandırmağa hazırıq.