AZ
RU
BMT: Şəhər sakinlərinin yarısı həddindən çox istilik riski ilə üzləşə bilər
İqlim böhranına ən az töhfə verənlər ən yüksək qiyməti ödəyəcəklər.
Yenixeber.org xəbər verir ki, bunu BMT-nin Baş Katibinin iqlim fəaliyyəti üzrə xüsusi müşaviri Selvin Hart COP29 çərçivəsində təşkil olunmuş çoxsəviyyəli və çoxsektorlu iqlim fəaliyyəti üzrə yüksək səviyyəli açılışda bildirib.
"Heç bir qitə, heç bir bölgə, heç bir ölkə immunitetə malik deyil. Dünya 1,5 dərəcə həddinə yaxınlaşdıqca, iqlim xaosunun qiyməti artır. 500 milyondan çox şəhər sakini sahilyanı ərazilərdə yaşayır və onlar şiddətli fırtınalarla, dəniz səviyyəsinin daha tez-tez qalxması ilə üzləşirlər. Təxminən 25 il sonra dünya şəhər sakinlərinin yarısı həddindən çox istilik riski ilə üzləşə bilərlər. Ona görə də iqlim dəyişikliyi ilə mübarizədə bütün səviyyələrdə əməkdaşlıqlar lazımdır", - deyə o qeyd edib.
.jpg)
