AZ
RU
Amsterdamda israilli azarkeşlərə hücum -10 yaralı
Amsterdamda İsrailin “Maccabi Tel Aviv”lə Niderlandın “Ajax” klubları arasında baş tutan futbol matçından sonra insident yaşanıb.
Yenixeber.org xəbər verir ki, oyundan sonra maskalı şəxslər israilli azarkeşlərə hücum edib.
Hücum edən şəxslərdən bəziləri Fələstinə dəstəklə bağlı şüarlar səsləndirib.
Bununla yanaşı, həmin şəxslər İsrail vətəndaşlarının yerləşdiyi hotellərə daxil olmağa cəhd edib.
Hücumun Amsterdamın bir neçə hissəsində qeydə alındığı bildirilib. İsrail Xarici İşlər Nazirliyi isə insident zamanı 10 nəfərin yaralandığını, 2 nəfərin isə itkin düşdüyünü açıqlayıb.
Niderland polisinin məlumatına görə, hadisə ilə bağlı 60-dan çox şəxs saxlanılıb, 5 nəfər xəstəxanaya yerləşdirilib.
Bununla yanaşı, İsrailin Baş naziri Benyamin Netanyahu ölkə vətəndaşlarının dərhal ölkəyə qaytarılması üçün Niderlanda 2 təyyarə göndərilməsi barədə göstəriş verib.
Eyni zamanda, İsrail XİN Amsterdamda olan israilliləri hotelləri tərk etməməyə çağırıb.
.PNG)
.jpg)
