AZ
RU
Ali məktəblərə qəbul olunmaq istəyən subbakalavrlar -Neçə nəfər qeydiyyatdan keçib?
Ali təhsil müəssisələrinə qəbul olunmaq istəyən subbakalavrların (kollec məzunları) qeydiyyatı davam edir.Dövlət İmtahan Mərkəzindən (DİM) verilən xəbərə görə, 10 may tarixində başlayan elektron ərizələrin qəbulu 31 iyuladək internet vasitəsilə aparılır.
Yenixeber.org-un məlumatına görə, bu günə kimi elektron ərizələri verən subbakalavrların sayı 14 366 nəfər təşkil edir.
Qeyd edək ki, imtahanlarda iştirak etmədən ali təhsil müəssisələrinə qəbul olunmaq istəyən subbakalavrlar cari ildə imtahan verərək ali təhsil müəssisələrinin müsabiqəsində iştirak etmək istəyən abituriyentlərlə eyni vaxtda (tarixlər elan olunacaq) ixtisas seçimində (müsabiqədə) iştirak edəcəklər.
Müsabiqədə iştirak ödənişsizdir.
