“Bu təxribatlara layiqincə cavab verilib” 

     "xeberinfo.com":Baş nazirin müavini, Yeni Azərbaycan Partiyasının (YAP) sədr müavini-icra katibi Əli Əhmədov cəbhə xəttində baş verən hadisələrə münasibət bildirib: “Qəti şəkildə deyə bilərəm ki, Azərbaycan müharibəyə hazırdır. Amma eyni zamanda bu atəşkəs xəttində ermənilərin təxribatları əsasında baş verən hadisələr və onların nəticələri Azərbaycanın müharibəyə kifayət qədər hazır olduğundan xəbər verir. Bütövlükdə erməni tərəfindən verilən reaksiyalar bunu bir daha təsdiq edir".

    Ə.Əhmədov güman edir ki, ermənilər Azərbaycanın cəbhə xəttində mövqelərinin gücləndiyni dərk etmələrinə, öz ölkələrində isə narazılıqların artdığı ilə əlaqədar olaraq daxili narazılıqlardan insanların fikrini yayındırmaq məqsədilə cəbhə xəttində təxribatlar etməyə çalışırlar və bununla da daxili auditoriyanın fikrini yayındırmaq istəyirlər: "Hesab edirəm ki, Azərbaycan bu təxribatlara layiqincə cavab verib. Amma söhbət təkcə həmin təxribatlara konkret cavab verməkdən daha çox Azərbaycanın hərbi qüdrətinin kifayət qədər güclü olduğunu nümayiş etdirməkdən gedir. Bu, Azərbaycanın hərbi gücünün və öz torpaqlarını hər zaman işğaldan azad etməyə hazır olduğunun bir nümayiş obrazıdır".