AZ
RU
Rusiya Talibanı tanıyacaq?–Lavrovdan açıqlama
"Biz, Taliban və ölkədəki bütün etnik qruplar daxil olmaqla, Əfqanıstan cəmiyyətinin bütün spektrini əks etdirəcək bir hökumət qurma prosesini dəstəkləmək istəyirik"
Yenixeber.org: Bu sözləri Rusiyanın xarici işlər naziri Sergey Lavrov deyib.
Rus nazirin sözlərinə görə, Əfqanıstanda yeni kabinetə ölkədəki sayca çoxluq təşkil edən bütün xalqların nümayəndələri daxil edilməlidir.
"Yalnız belə bir əhatəli hökumət Əfqanıstanda sabitliyi təmin edə bilər. Bu şərtlərə əməl olunarsa, Rusiya nümayəndələri digər dəvət olunmuş ölkələrlə birlikdə belə bir mərasimdə məmnuniyyətlə iştirak edəcəklər ”, - deyə Rusiya XİN rəhbəri bildirib.
Qeyd edək ki, sentyabrın 6-da Taliban rəsmiləri Rusiya da daxil olmaqla bir sıra ölkələrin nümayəndələrini Əfqanıstan hökumətinin tərkibinin elan ediləcəyi mərasimə dəvət edib.
