AZ
RU
Kabildəki Rusiya səfirliyini “Taliban” qoruyur
Rusiyanın Əfqanıstandakı səfiri Dmitri Jirnov bildirib ki, hazırda Kabildə yalnız Rusiya və Çinin səfirlikləri işləyir.
Yenixeber.org: Bu barədə "Rusiya 24" telekanalı xəbər verir.
Səfirin sözlərinə görə, şəhərdə vəziyyət sakitdir və diplomatik korpusunun nümayəndələri üçün heç bir təhlükə yoxdur. O, telekanalının efirində Rusiya səfirliyinin taliblər tərəfindən mühafizə olunduğu deyib.
"Bizi qoruyan Əfqanıstan hərbçiləri getdi, indi bizi “Taliban” mühafizə edir", - deyə Rusiya səfiri bildirib.
O, Rusiyanın gələcəkdə “Taliban”la necə dialoq quracağı məsələsini də şərh edib: "Düşünürəm ki, biz onların siyasətini izləyəcəyik. Əfqanıstanın sivil dövlət olmasını istəyirik, istəyirik ki, terror olmasın, narkotik alveri olmasın, insan haqlarına hörmət edilsin. Taliban bizə lazım olan bütün vədləri verib, ümid edirik ki, onlar yerinə yetiriləcək. Düşünürəm ki, xəttimiz bundan asılı olaraq qurulacaq. Gözləmək lazımdır"
.jpg)
