AZ
RU
.png)
.png)
Böyük Britaniya da "Taliban"la əməkdaşlığa hazırdır-AÇIQLAMA
Böyük Britaniyanın baş naziri Boris Conson bildirib ki, Birləşmiş Krallıq ehtiyac olduğu halda "Taliban" hərəkatı ilə razılaşmağa hazırdır.
Yenixeber.org: Bu barədə “Reuters” bildirib.
"İnsanları əmin etmək istəyirəm ki, əlbəttə əgər lazımdırsa, "Taliban"la iş vasitəsilə Əfqanıstan üçün qərarın axtarışı üzrə siyasi və diplomatik səylərimiz davam ediləcək", - Conson deyib.
Hökumət başçısı qeyd edib ki, Böyük Britaniya son altı gündə Əfqanıstandan 6 115 insanı təxliyə edib. Onlardan 320-si Əfqanıstan səfirliyinin əməkdaşı, 402-si krallığın vətəndaşlarıdır.
Daha əvvəl Böyük Britaniya ordusunun Baş Qərargahının rəhbəri “taliblər”lə əməkdaşlıqdan danışıb.
Qeyd edək ki, avqustun 15-də “taliblər” Əfqanıstanın bütün ərazisi üzərində nəzarəti ələ keçirdiklərini elan ediblər. Onlar Kabildə dövlət televiziyasını nəzarət altına alıblar və öz müraciətlərində vətəndaşları sakitliyə çağırıblar.
