AZ
RU
Radikal hərəkat ölkəyə yeni ad verdi: -“Əfqanıstan İslam Əmirliyi“
"Taliban" hərəkatı ölkəni rəsmi olaraq "Əfqanıstan İslam Əmirliyi" elan edib.
Yenixeber.org: "The Hill" xəbər verir ki, qrup paytaxt Kabili ələ keçirdikdən və mövcud Əfqanıstan hökumətini devirdikdən bir neçə gün sonra ölkədə hökmranlığını möhkəmləndirib.
"Taliban" sözçüsü Zəbihullah Mücahid ölkənin yeni loqotipinin fotosunu bir tvitlə paylaşıb.
Tvitdə "Əfqanıstan İslam Əmirliyi" sözləri qeyd olunub.
"Əfqanıstan İslam Əmirliyi" 2001-ci il 11 sentyabr terror hücumlarından sonra üsyançı qrupun ABŞ-ın rəhbərlik etdiyi qüvvələr tərəfindən qovulmasından əvvəl, 1996-2001-ci illərdə "Taliban" hakimiyyəti altında olan ölkənin adı idi.
O zaman Pakistan, Səudiyyə Ərəbistanı, Birləşmiş Ərəb Əmirlikləri və Türkmənistan da daxil olmaqla, yalnız bir neçə dövlət "Əmirliyi" tanımışdı.
Zəbiullah Mücahid "Əfqanıstan İslam Əmirliyi"nin bütün ölkələrlə daha yaxşı diplomatik və ticarət əlaqələrinin olmasını istədiyini açıqlayıb.
