AZ
RU
Ərdoğan Makronla Qarabağı müzakirə edəcək
Türkiyə Prezidenti Rəcəb Tayyib Ərdoğan və fransalı həmkarı Emmanuel Makron NATO-nun Brüsseldə keçiriləcək sammiti ərəfəsində Qarabağ, Suriya və Livandakı vəziyyətlə bağlı müzakirələr aparacaq.
Yenixeber.org: Bu barədə Fransa rəhbəri Parisdə keçirdiyi mətbuat konfransında bildirib.
"NATO sammiti ərəfəsində Türkiyə Prezidenti ilə birbaşa görüşüm olacaq. Bu, bir sıra mövzularda fikir mübadiləsi aparmaq üçün yaxşı fürsətdir", - deyə Makron bildirib. "Bizim dərin fərqlərimiz var, bunları bilirik, amma inanıram ki, dialoq aparmaq lazımdır", - Fransa rəhbəri deyib.
O, qeyd edib ki, türkiyəli həmkarı ilə Azərbaycanla Ermənistan arasındakı münasibətlər, Suriyada, Liviyada yaranmış vəziyyət barədə danışmaq istəyir. Makron həmçinin NATO-dakı əməkdaşlıq və müttəfiqlər arasındakı münasibətlərdə davranış qaydalarını müzakirə etmək niyyətində olduğunu xəbər verib.
"Fərqlərimizə baxmayaraq, ciddi gündəliyə ehtiyacımız var", - Makron əlavə edib.
.jpg)
(29).jpg)
