AZ
RU
General Əfqan Nağıyev bizim Rokossovski oldu
Prezident İlham Əliyevin bir gün əvvəl təltif etdiyi Vətən müharibəsində fərqlənən Azərbaycan hərbçiləri arasında Dövlət Sərhəd Xidməti rəisinin müavini general-leytenant Əfqan Nağıyev də var idi.
General-leytenant Ə.Nağıyev Dövlət Təhlükəsizliyi Xidmətinin xüsusi əməliyyatı zamanı tutulub, sonra ev dustaqlığına buraxılıb.
Yenixeber.org: Vətən müharibəsinin başlaması ilə Əfqan Nağıyev ölkə rəhbərliyinə müraciət edərək döyüş əməliyyatlarında iştirak etmək arzusunda olduğunu bildirib. Generalın xahişi təmin olunub və o, cəbhəyə gedib.
Ə.Nağıyev Zəngilan rayonunun azad edilməsi uğrunda gedən döyüşlərdə fərqlənib.
Əfqan Nağıyevin əhvalatı Sovet İttifaqı marşalı Konstantin Rokossovskinin həyat hekayəsinə bənzəyir. Sovet generalı da həbs edilmiş və sərbəst buraxıldıqdan sonra müharibəyə qatılaraq SSRİ-nin ən yüksək rütbələrinə və mükafatlarına layiq görülmüşdü.(virtualaz)
