Xəbər verdiyimiz kimi, bu gün Ermənistan prezidenti Armen Sarkisyanın fərmanı ilə Milli Təhlükəsizlik Xidmətinin direktoru Argişti Karamyan tutduğu vəzifədən azad edilib və onun yerinə Mikael Ambarçumyan təyin edilib.
Yenixeber.org: Mikael Vazgeb oğlu Ambarçumyan bu ilin avqust ayının 12-də Milli Təhlükəsizlik Xidmətinin direktor müavini təyin olunub. Daha əvvəl isə Milli Təhlükəsizlik Xidmətinin İqtisadi təhlükəsizlik və korrupsiyaya qarşı mübarizə şöbəsinin müdiri olub.
Məlumat üçün bildirək ki, 1991-ci il təvəllüdlü Argişti Karamyandan fərqli olaraq Mikael Ambarçumyan Nikol Paşinyanın yaxın ətrafına daxil olan şəxslərdən deyil. 5 ay əvvələ kimi heç bir zaman Milli Təhlükəsizlik Xidməti sistemində işləməyən Argişti Karamyandan fərqli olaraq polkovnik rütbəsi daşıyan Mikael Ambarçumyanın 20 ildən artıqdır Milli Təhlükəsizlik Xidmətində müxtəlif vəzifələrdə çalışıb. Uzun illər Milli Təhlükəsizlik Xidmətinin İstintaq idarəsinin rəhbəri olub. 2017-ci ildə Ermənistanın sabiq prezidenti Serj Sarkisyan tərəfindən 2-ci dərəcəli "Vətənə xidmətlərinə görə" medalı ilə təltif edilib.
Mikael Ambarçumyan Nikol Paşinyanın komandasına daxil olan şəxslərdən fərqli olaraq Ermənistanın sabiq prezidentləri Robert Koçaryan və Serj sarkisyanın başçılıq etdiyi “Qarabağ klanı”na müxalif şəxs hesab olunmur. Mikael Ambarçumyan Qondarma Dağlıq Qarbağa respublikasının keçmiş rəhbəri Bako Saakyanın yaxın kadrlarından olan Marat Musaelyanın da qohumudur. Mikael Ambarçumyanın bacısı Marat Musaelyanın həyat yoldaşıdır. Ermənistan mətbuatı Mikael Ambarçumyanın vəzifə pillələrində yüksəlməsində Marat Musaelyanın rolunun olduğundan yazır. 
Qeyd edək ki, Marat Musaelyanın “Qarabağ klanı”nın nüfuzlu şəxslərindən hesab olunur. 1957-ci ildə Xankəndidə anadan olan Musaelyan 1992-1995-ci illərdə Ermənistan Müdafiə Nazirliyi sistemində xidmət edib. 1995-2007-ci illərdə  Ermənistan Milli Təhlükəsizlik Xidmətində işləyib. xidmət etmişdir. 2007-2020-ci illərdə Dağlıq Qarabağda seperatçı rejim rəhbərindən biri olub. Polkovnik hərbi rütbəsinə malikdir.
Mikael Ambarçumyanın “Qarabağ klanı”nına yaxın olmasına baxmayaraq vəzifədə saxlamılmasına səbəb onun Konustitusiya Məhkəməsinin hakimi və eyni zamanda da Nikol Paşinyana yaxınlığı ilə bilinən Vahe Qriqoryanın sinif yoldaşı olmasıdır. Daha əvvəl vəkil kimi fəaliyyət göstərən Vahe Qriqoryan Koçaryan hakimiyyətinin 2008-ci ildə aralarında Nikol Paşinyanın da olduğu müxalifətçilərə tətbiq etdiyi zorakılığın hadisəsini Avropa Məhkəməsinə çıxarıb.