Redaktor seçimi
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
BSU-nun rektoru Anar Nağıyevə "İTTİHAM YAĞIŞI":
Günün xəbəri

Xırdalanda məskunlaşan köçkünlər də etiraza qalxdı

Bu gün, Xırdalan şəhərində məskunlaşan məcburi köçkünlər etiraz aksiyası keçiriblər.

Xeberinfo.com:   Plan Uçot Texnikumunun yataqxanasında məskunlaşan məcburi köçkünlər mənzillərə sayğac quraşdırılmasına etiraz ediblər.

“Bizə Qarabağ lazımdı, dilənçi pulu yox”, deyən aksiya iştirakçıları məcburi köçkünlərə 36 manat məbləğində aylıq müavinətin müəyyən edilməsinə etiraz ediblər.

Onlar “Azərişıq” ASC-nin elektrik sayğaclarını quraşdırmaq istəyən işçilərini yataqxanadan uzaqlaşdırıblar.

Sonradan hadisə yerinə yerli icra hakimiyyətinin nümayəndələri və polis əməkdaşlarının gəldiyi bildirilir.

Etirazçıları sakitləşdirməyə çalışan rəsmilərin məcburi köçkünlərin şikayətlərini dinlədikləri deyilir.

“Kommunal qiymətlər bahalaşıb. Belə bir vaxtda işıq və qaz pulunu ödəyə bilməyəcəyik. Erməni kilsələrinə qazı pulsuz verirsiniz, məcburi köçkünlərə onu pulla satmaq nə qədər doğrudur”, narazı məcburi köçkünlər deyiblər.

Aksiya 2 saata qədər davam edib. Məcburi köçkünlərin narazılığı nəticə verib – sayğacların quraşdırılması təxirə salınıb.

XATIRLATMA

Prezident İlham Əliyev yanvarın 23-də «Məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında» fərman imzalayıb.

Həmin sənədə əsasən, məcburi köçkünlərə, onlara bərabər tutulan şəxslərə yemək xərci müavinəti, kommunal və digər xidmətlər üzrə dövlət büdcəsindən ödənişlər dayandırılır. Bunun əvəzinə onlara hər ay 36 manat vahid aylıq müavinət veriləcək.

Bu son günlər məcburi köçkünlərin etirazları ilə qarşılanıb.(Azadliq.info)


Facebook-da paylaş

Yeni xəbərlər

Reklam

Reklam