AZ
RU
İcra başçısının qazanc yeri
Akif Səlimov Laçın rayonun kənd icra nümayəndələrinin əli ilə yüz minlər mənimsəyir;
Adı olub özü olmayan nümayəndəliklərə ərzaq mallarının, inventarların, mebellərin alınması vəsaitlər ayrılır və bu vəsitlərin hara sərf olunduğunu icra başçısı ilə birlikdə ancaq bir neçə nəfər bilir…
"xeberinfo.com" PİA.AZ-a istinadən xəbər verir ki, rayon icra başçısı Akif Səlimovun qazanc mənbəyindən biri kənd icra nüməyəndəlikləridir. Qeyd olunur ki, işğaldan öncə Laçın rayonun 125 kəndi, 1 qəsəbəsi olub və hal hazırda bu icra nümayəndələrinin 100-ə yaxını fəaliyyət göstərir. Adı olub özü olmayan bu nümayəndəliklər isə Akif Səlimovun əsas qazanc mənbələrindən birinə çevrilib.
Belə ki, daxil olan məlumata əsasən icra başçısı Akif Səlimov keçmiş sələfi kimi rayonun daxili büdcəsindən ildə 2 dəfə kənd icra nümayəndələrinə inventarların təzələnməsi, ehtiyat hissələrinin, maşın avadanlıqlarının, dəftərxana ləvazimatlarının alınması, digər və sair xərclər üçün hər bir nümayəndəliyə 1500-3000 manat arası vəsait köçürtdürür. Köçürülən vəsaitlərin icra nümayəndələri tərəfindən sənədləşdirildiyi və üçdə iki hissəsi icra başçısı Akif Səlimova çatdırıldığı iddia olunur.
Məlumatda göstərilir ki, Ağcabədi rayonu ərazisində fəaliyyət göstərən 30 yaxın kənd icra nümayəndələrinin balansında olan uşaq baxçalarına ərzaq mallarının alınması üçün il ərzində hər bir bağçaya 3-4 min manat vəsaitdə ayrılır. Taxta körpüdə yerləşən Qayğı qəsəbəsindən başqa yerdə qalan baxçaların formal olaraq fəaliyyət göstərdiyi qeyd olunur. Bu yolla icra başçısının hər il yarım milyondan artıq dövlət vəsaitini «silərək öəzlləşdirdiyi» bildirilir.
Həmçinin bildirilir ki, Laçın rayon icra başçısı Akif Səlimov 30 yaxın kənd icra nüaməyəndələrinə ərzaq mallarının alınamsı üçün ayırdığı vəsaitləri birbaşa rayon maliyyə idarəsinin rəhbəri ilə bölür.
İcra hakimiyyətindəki mənbə iddia edir ki, Hesablama Palatası Laçın rayon icra hakmiyyətinin daxili büdcəsindən xərclənən vəsaitləri yoxlasa, o zaman kənd icra nümayəndəliklərinin və uşaq bağçalarının adına yazılaraq mənimsənilən yüz minlərlə manat vəsaitləri üzə çıxa bilər.
