AZ
RU
Rusiyaya qarşı sanksiyalar genişləndirilir
Avropa Birliyi ölkələri 5 Rusiya vətəndaşı və 9 təşkilat da daxil olmaqla daha 19 nəfərə qarşı sanksiyalar tətbiq etmək razılığına gəliblər.
"Xeberinfo.com": Məlumata görə, bu barədə Qərb agentlikləri diplomatik mənbələrə istinadla xəbər verirlər.
Hələlik onların adları açıqlanmayıb.
Amma Reuters agentliyi diplomatlara istinadla onların arasında yüksək səlahiyyətli və ya tanınmış şəxslər olmadığını xəbər verir.
Sənədin Avropa Birliyi ölkələri xarici işlər nazirlərinin fevralın 9-da Brüsseldə keçiriləcək görüşündə təsdiqi gözlənilir. Birliyin xarici işlər nazirləri yanvarın 29-da Ukrayna böhranına görə Rusiyaya qarşı sanksiyaları genişləndirmək qərarına gəliblər.
ABŞ və Avropa Birliyi Ukraynanın şərqindəki münaqişəyə görə Rusiyanı, Moskva isə Kiyevlə Qərbi günahlandırır (“Azadlıq” radiosu).
