"Xeberinfo.com": Azərbaycanın xarici işlər naziri Elmar Məmmədyarovun rəhbərlik etdiyi nümayəndə heyəti Belçikaya səfər edəcək. Bu barədə APA-ya Azərbaycan XİN-in mətbuat xidmətindən məlumat verilib. Azərbaycan nümayəndə heyəti iyulun 22-də Avropa Birliyi “Şərq Tərəfdaşlığı” proqramına daxil olan ölkələrin xarici işlər nazirlərinin Brüsseldə keçiriləcək 5-ci görüşündə iştirak edəcək.

Brüsseldə Xarici işlər nazirinə hansı mesajlar verilə bilər. “Azadlıq”a danışan ekspertlər hesab edir ki, Azərbaycan uzun illərdir ki, Avropa Birliyinin Şərq Tərəfdaşlığının iştirakçısıdı. Çox təəssüf ki, bütün bu illər ərzində Azərbaycan sözügedən proqram çərçivəsində iştirakı formal xarakter daşıyıb. Avropa Birliyinin bu proqramla məqsədi iştirakçı ölkələrdə siyasi, hüquqi və iqtisadi islahatların aparılması yoluyla onları Avropa standartlarına yaxınlaşdırmaq olub. Azərbaycan hökumətinin bu istiqamətlər üzrə Avropa Birliyi ilə heç bir ciddi əməkdaşlığı olmayıb. Gürcüstan, Moldava və Ukrayna bu proqram çərçivəsində Avropa Birliyilə gerçək və səmərəli iş quraraq proqramda nəzərdə tutulmuş sahələrdə ciddi uğurlar əldə etdilər. Şərq tərəfdaşlığı proqramı çərçivəsində həmin ölkələrin Avropa Birliyi ilə əməkdaşlığı onların assosasiya sazişlərinin imzalanmasıyla nəticələndi. Ukrayna, Gürcüstan və Moldova Avropa Birliyinin üzvü olmaq yolunda çox mühüm mərhələyə qədəm qoydu.

Ekspertlər onu da bildirirlər ki, Məmmədyarova Brüsseldə Avropa Birliyilə səmərli əməkdaşlığın vacibliyinin böyük əhəmiyyət daşıdığı vurğulanacaq. Gürcüstanın assosasiya sazişinin imzalanması Cənubi Qafqazda bütün parametrlər üzrə mühüm əhəmiyyət kəsb edən Azərbaycanın avrointeqrasiya kursuyla bağlı birmənalı seçim etməsi çox böyük əhəmiyyət kəsb edir. İndiki mərhələdə Avropa Birliyi üçün məhz Azərbaycan prioritetdi və birliyin bu istiqamətdə ciddi səylər göstərəcəyi şübhəsizdi.